యోహాను 18:25-27

Telugu Holy Bible: Easy-to-Read Version

పేతురు రెండవసారి, మూడవసారి తెలియదని అనటం

(మత్తయి 26:71-75; మార్కు 14:69-72; లూకా 22:58-62)

²⁵ సీమోను పేతురు నిలుచొని యింకా చలికాగుతూ ఉన్నాడు. వాళ్ళు “నీవు అతని శిష్యుల్లో ఒకడివి కాదా?” అని అడిగారు.

“కాదు” అని పేతురు అన్నాడు.

²⁶ ప్రధాన యాజకుని దగ్గర ఒకడు పని చేస్తూ ఉండేవాడు. వీని బంధువు చెవును పేతురు నరికివేసాడు. వాడు పేతురుతో, “నీవు అతనితో కలిసి తోటలో ఉండగా చూడలేదని అనుకొంటున్నావా?” అని అన్నాడు.

²⁷ పేతురు మళ్ళీ, “లేదు” అన్నాడు. వెంటనే కోడి కూసింది.